Home

     Philosophie

Isch et jeder a bissle Chrischtkendle


Warom, weil's Chrischtkendle doch jemand isch'd,

wo älle mag. Des duad et kritisiera ond nörgla,

noe, des ka blos respektiera ond lieba ond des isch

voller Fraid, Glück und Seeligkeit.

Ganz gwies hoascht au du des scho gmerkt, wenn

jemand magscht, dann duad au dir des guat, ond

wenn gar verliebd bischt, noh bisch ganz seelig. Ond do

bischt scho a bisle a Chrischtkendle.

Jetzt stell dir mol vor, du dädescht koin Mensch

me kritisiera ond älle oifach lieba, des muß dir ja

so guad dua, das'd des schier nemme aushalda

kennschd, vor lauder Fraid ond Glück. Noh gäng's

dir wia em Chrischtkendle, du wärescht a seeligs

Menschle.

Ond i wünsch dir zom Chrischtkendle, dass du des

ällweil a bissle besser kascht, d'Leit respektiera ond

lieba, wie se send, damit d'Fraid onds Glück en deim

Herza emmer mehr send.


Zurück zur Übersicht